Paylaşıldığı tarix:

“Sadə çay verilmir”. Marketinq bəzən müştərini uzaqlaşdırmaqdır

marketinq faydaları

“Marketinq şirkətə daha çox müştəri qazandırmaq üçündür” düşüncəsi insanların marketoloqlar haqqında ilk ağlına gələn versiyadır. Bu versiyaya zidd olaraq marketinqin müştərinin uzaqlaşdırılması kimi bir metodu Switch marketinq adlanır. Bunun bir neçə səbəbi və faydası var. Ümumilikdə bu proses tez-tez rastlaşdığımız amma hiss etmədiyimiz və hələ haqqında eşitmədiyiniz bir marketinq metoddur.

Yazıda bu marketinq üsuluna bir neçə nümunə gətirməklə bərabər sizinlə bu addımın məqsədləri və faydaları haqqında fikirlərimi də bölüşəcəm.

Potensialdan maksimum faydalanmaq.

Bəlkə də hazırkı bölmə hamınıza yuxarıdakı proseslə əslində qarşılaşdığınızı göstərəcəkdir. Yəqin ki, həyatınızda azı bir dəfə eşitmisiniz ki, kiməsə əyləşdiyi restoranda sadə çay verilmədiyi haqqında həmin şəxsə məlumat verilib. Bunun səbəbi kafe və ya restoranın masalarının müəyyən bir gözləntisinin olmasıdır. Məsələn gün ərzində masa başına 500 manat hesab düşünülür. Sizin orada sadə çay ilə əyləşdiyiniz zaman bir neçə saat üçün edəcəyiniz ödəniş restoranı qane etmədiyindən bu cür şərt tətbiq edirlər. İstənilən məkanlarda tətbiq olunan depozit də buna bəlli bir nümunə ola bilər. Bu kimi hallarda daha az xərcləyək müştərini uzaqlaşdırmaqla restoran və kafelər daha böyük hesab ödəyəcək şəxs üçün həmin masanı saxlayır və daha çox qazanmağa çalışır. Bunun etik olmaması və ya qazandırmaması şirkətin düzgün tətbiq etməsindən asılıdır. Yetərincə depozit tətbiq edib, boş yeri olmayan dillərə əzbər restoranlar mövcuddur.

Müştəriləri uyğun davranışlara görə qruplaşdırma.

Belə çıxır ki, bizim müştərilərimiz içərisində bizə qazandırmayan müştərilər var. Bu müştəriləri ayrı bir qrup halında idarə edərək və analiz etsək təbii ki, qazanclı çıxarıq. Bunu fərqli üsullarla edə bilərik. Təbii ki, elə müştəri ola bilər ki, uzun müddət bizdən alış-veriş etməsin amma əhatəsindəki insanlara məsləhət görsün. Belə müştərilər faydasız deyil. Bu səbəbdən müştəriləri bir neçə qrupa bölüb geniş bir analiz ilə bizə faydalı olan qrupu və zərərli olan qrupu seçə bilərik. Bunun nəticəsində aşağıdakıları qazanmış olacağıq.

Marketinq xərclərinin azaldılması.

Hərkəsə məlumdur ki, şirkət müştərilər qazanmaq, mövcud müştərilərini əldə saxlamaq üçün bəzi addımlar atır. Bu addımların təbii ki, müəyyən maddi xərcləri olur. Şirkətlər həmişə çalışır ki, bu xərclər minimum olsun. Bəs biz “lazımsız” müştərilərimizi uzaqlaşdırmaqla bu xərclərimizin azalmasına nail ola bilərik. Nəzərə alın ki, siz bəzi insanları kənarlaşdırmaq ilə bəlli bir qənaət etmiş olursunuz. Buna daxildir sizin müştəri portfolionuzda olub amma yeni məhsul almayan şəxslərə xərclədiyiniz vəsait, sizin məhsulunuzu istənilən reklamı görməsinə baxmayaraq almayacaq müştəri və sizi digər markadan uyğun fürsət düşdükdə rəqibə dəyişəcək müştərilər.

Fürsətcil müştəri.

Bugün bizdə, sabah sizdə. Belə müştərilər adətən strateji düşünən şirkətlərə maraqlı olmur. Hərkəs yəqin ki, qəbul edər ki, bəlli bir insan kütləsi var. Siz bu kütlənin bir hissəsini özünüzə davamlı müştəri kimi saxlamasaz yüksək gəlirlərinizin olması arzu kimidir. Belə müştərilərə misal olaraq göstərə bilərik ki, endirim sayəsində sizin müştəriyə çevirilirlər, amma başqa bir şirkətdən daha yaxşı təklif olduğu halda artıq müştəriniz olmayacaq. Bu səbəbdən siz itirəcəyiniz müştəriləri ayırmalı, onların sizdən gedəcəyini proqnozlaşdırmalı və elə müştərilərdən uzaq qaçmalısınız.

Müştərini necə şirkətdən uzaqlaşdıra bilərik?

Əsasən B2B sahəsində nisbətən bu üsulu tətbiq etmək daha asandır. Burda siz fərqli qiymətlər təqdim edə, müştəriyə hansısa əlavə şərtlər suna və hansısa şərtləri həmin müştəriyə şamil etməyə bilərsiniz. Pərakəndə sahəsində isə nisbətən çətin olsa da, həmin şəxslərin məlumatlarına uyğun addımlar ata bilərsiniz. Təbii ki, pərakəndə satışda belə insanların sayı yüzlərlə, minlərlə olduğu zaman belə bir addım atmağa ehtiyac olur. Bu insanları qruplaşdırıb rahatlıqla addım ata bilərsiniz. Məsələn datalar sizə deyir ki, bucür insanlar yalnız ay sonu endirimində alış-veriş edirlər. Siz bu datalara əsasən ay sonu endirim kampaniyanıza əlavə şərt qoyursunuz ki, ay ərzində alış-veriş etməyənlərə aid deyil. Beləliklə həmin alıcı kütləsinin böyük bir hissəsi sizin şirkətdən uzaqlaşacaqdır.

Oxuduğunuz üçün təşəkkür edirəm. Ümid edirəm faydalı oldu. Növbəti yazılarda görüşənədək.

avatar
1 Rəy yazanlar
Sayyara Son rəy yazanlar
  Abunə ol  
yeni köhnə ən çox səs verilən
Bildirişlərə
Sayyara
Qonaq
Sayyara

👍🏻

trackback

[…] üçün təşəkkürlər. Fikirlərinizi bildirməyi unutmayın. ““Sadə çay verilmir”. Marketinq bəzən müştərini uzaqlaşdırmaqdır.” adlı yazdığım məqalədə marketinq haqqında daha ətraflı məlumat əldə edə […]